'பாகிஸ்தானில் இருந்து பங்களாதேஷ் பிரிக்கப்பட்டதுபோல இலங்கையில் இருந்து தமிழீழத்தை பிரித்து தனி நாடாக மாற்ற ராஜீவ்காந்தி முயற்சி செய்தார். ஆனால் ஈழத்தைப் பிரித்தால் நான்தான் அங்கு ஜனாதிபதியாக இருப்பேன் என்று தமிழீழ விடுதலைப் புலிகளின் தலைவர் பிரபாகரன் அடம்பிடித்ததால்... தமிழீழத்தை தனியாக பிரிக்க முடியாமல் போய்விட்டது' என்று இந்திய மத்திய முன்னாள் அமைச்சர் ஈ.வி.கே.எஸ்.இளங்கோவன் தகவல் வெளியிட்டுள்ளார். இது தொடர்பில் தொடர்ந்து கருத்து தெரிவித்துள்ள அவர், 'இலங்கைத் தமிழர்களுக்கு எதிரான கட்சி காங்கிரஸ் என்று தவறான கருத்து பரப்பப்படுகிறது. நேரு பிரதமராக இருந்ததில் இருந்து இன்று வரை இலங்கைத் தமிழர்களை பாதுகாப்பதற்காக காங்கிரஸ் கட்சி பாடுபடுகிறது.
அதாவது இவர் கூற்றுப்படி ராஜீவ் இலங்கைக்கு அமைதிப்படையை அனுப்பியதே தனி ஈழத்தை அமைக்கதானாம். அப்படி என்றால் அவர் ஏன்... குர்காக்களை, சிங் கை, மற்றும் ஹிந்தி இராணுவச் சிப்பாய்களை அனுப்பவேண்டும் ? எத்தனை ஆயிரம் தமிழர்கள் இராணுவத்தில் இருக்கிறார்கள். அவர்களை அனுப்பி இருக்கலாமே. இந்தியப் படைகள் யாழ்ப்பாணத்தில் செய்த அட்டகாசங்கள் என்ன தெரியாதவையா ? இல்லை தேசிய தலைவரைக் கைதுசெய்ய அவர்கள் நடத்திய தாக்குதல்கள் தான் அறியப்படாதவையா ? ஜே.ஆர். ஜெயவர்த்தன என்னும் நரிப்புத்தி உள்ள மனிதர், ராஜீவுடன் ஒப்பந்தம் ஒன்றைச் செய்து, இலங்கைக்கு இந்திய இராணுவத்தை அழைத்து , அவர்களையும் புலிகளையும் மோதவிட்டு வேடிக்கை பார்த்தார். தனது இராணுவம் ஏன் அழியவேண்டும் ? இவர்கள் அடித்துக்கொள்ளட்டும் என்று நினைத்தார். அத்தோடு புலிகளை அழிக்கவே ராஜீவ் தனது படைகளை அனுப்பி வைத்தார்.ஆனால் வரலாறு தெரியாத இந்த அரசியல் கோமாளி , தேசிய தலைவர் நான் தான் ஜனாதிபதியாக இருக்கவேண்டும் என்று அடம்பிடித்தார் என்று கூறியுள்ளார். எந்தக் காலத்தில் எமது தேசிய தலைவார் பதவிக்காக அலைந்து திரிந்தார் ? பேயரும், புகழும், தலைவர் என்னும் அந்தஸ்த்தும், அவரை தானாகத்தேடியே வந்தது. பதவிக்காக அவர் ஆசைப்பட்டிருந்தால், அரசுடன் இணக்கப்பாட்டை ஏற்படுத்தி, இன்று கட்சி அல்லவா நடத்திக்கொண்டு இருந்திருப்பார். காங்கிரஸ் கட்சியில் நக்கிப் பிழைக்கும் இளங்கோவனுக்கு இது எல்லாம் தெரிந்திருக்க வாய்ப்பு இல்லையே. அதனால் தனக்கு எட்டிய கற்பனைகளை கட்டவிழ்த்து விடுகிறார் போலும் !
Geen opmerkingen:
Een reactie posten