3 மாணவிகள் மற்றும் 1 மாணவனுடன் வல்லுறவு: அதிபர் விடுதலை !

கிரான் பாஸ் பாடசாலை ஒன்றில் அதிபராக கடமையாற்றும் நபர் ஒருவர், 3 மாணவிகள் மற்றும் ஒரு மாணவனுடன் தகாத முறையில் நடந்துகொண்டுள்ளார். குறிப்பிட்ட அதிபர், 3 வயது நிரம்பிய மற்றும் 9 வயது நிரம்பிய மாணவிகளோடு பாலியல் வல்லுறவில் ஈடுபட்டுள்ளார். போதாக்குறைக்கு அங்கே பயிலும் மாணவன் ஒருவனையும் வல்லுறவுக்குள் ஈடுபடுத்தியுள்ளார். இத் தகவல் வெளியானதை அடுத்து இவர் கைதுசெய்யப்பட்டு சிறையில் அடைக்கப்பட்டார். ஆனால் 2 சரீரப் பிணையிலும், 2 லட்சம் ரொக்கப் பணத்தையும் கட்டி குறிப்பிட்ட தலைமை ஆசிரியர் தற்போது வெளியே வந்துவிட்டார்.

இலங்கைச் சிறையில் செய்யாத குற்றங்களுக்காக பல வருடங்கள், சிறையில் பலர் வாடி வருகின்றனர். சந்தேகத்தின் பேரில் கைதான பலர் 10 ஆண்டுகளாகக் கூட சிறையில் வாடி வருகின்றனர். ஆனால் சிறுமிகளோடு பாலியல் வல்லுறவு புரிந்த நபர்களுக்கு மட்டும் உடனே விடுதலை கிடைத்துவிடுகிறது. இவ்வாறான நபர்கள் வெளியே வந்து, சாட்சியங்களை அச்சுறுத்தி, இறுதியில் அவர்களைப் பணிய வைத்து, வழக்கில் இருந்து தப்பித்துக்கொள்வார்க:ள்.