வயது குறைந்த சிறுவர்களை அழைத்து தமக்கு மரியதை செய்யச்சொன்ன இராணுவம் !

யாழில் நடைபெற்ற முள்ளிவாய்க்கால் வெற்றிக்கழிப்பு விழாவுக்கு, வயது குறைந்த பாடசாலைச் சிறுவர்கள் பலர் பலவந்தமாக அழைத்துவரப்பட்டுள்ளனர் என அதிர்வு இணையம் அறிகிறது. யாழில் நடைபெற்ற இந் நிகழ்வுகளுக்கு வயது குறைந்த தமிழ்ச் சிறுவர்கள் அழைத்துவரப்பட்டது மட்டுமல்லாது, அவர்களைக் கொண்டு இராணுவத்துக்கு பதக்கங்களும் பூமாலைகளும் அணிவிக்கப்பட்டுள்ளது. முள்ளிவாய்க்காலில் இன அழிப்பில் ஈடுபட்ட அதே இராணுவத்தினருக்கு, தமிழ் சிறுவர்கள் மாலை அணிவித்து, பதக்கங்களையும் குத்திவிட்டுள்ளனர். இலங்கை இராணுவத்தினர் ஆசிரியர்களையும் அதிபர்களையும் மிரட்டி, இச் சிறுவர்களை தமது விழாவுக்கு அனுப்புமாறு கேட்டுள்ளனர்.

குறிப்பாக 7 வயது தொடக்கம் 14 வயதுக்கு உட்பட்ட சிறுவர்களையே இராணுவம் அழைத்து வந்துள்ளது. ஈழத் தமிழர்கள் கொன்று குவித்த இலங்கை இராணுவத்தினர் ஈழத் தமிழ்ச் சிறுவர்களைக் கொண்டே (தமக்குத் தாமே) மரியாதை செய்வித்துள்ளனர். இக்கொடுமைகளைக் கேட்க நாதியற்றவர்களாக இருக்கிறார்கள் வட கிழக்கில் வசிக்கும் தமிழர்கள் !