ஐ.நா இலங்கையில் தோற்று விட்டது பான் கீ மூன் புலம்பல்…

இலங்கைத் தமிழரசுக் கட்சிக்கும் ஆபத்தா…

இலங்கைத் தமிழரசுக் கட்சிக்கு எதிராக உச்ச நீதிமன்றில் மனுவொன்று தாக்கல் செய்யப்பட்டுள்ளது. தமிழ்த் தேசியக் கூட்டமைப்பின் பிரதான கூட்டணி கட்சியான இலங்கைத் தமிழரசுக் கட்சி நாட்டின் அரசியல் சாசனத்திற்கு புறம்பான வகையில் செயற்பட்டு வருவதாக குற்றம் சுமத்தப்பட்டுள்ளது.

நாட்டின் அரசியல் சாசனத்தின் ஆறாம் திருத்தச் சட்டத்திற்கு புறம்பான வகையில் செயற்பட்டுள்ளதாக தெரிவிக்கப்பட்டுள்ளது. தனிநாடு ஒன்றை அமைக்கும் நோக்கில் இலங்கை தமிழ் அரசு கட்சி என்ற அரசியல் கட்சி உருவாக்கப்பட்டுள்ளதாக மனுதாரர் சுட்டிக்காட்டியள்ளார்.

களனியின் பொல்ஹேன என்னும் இடத்தைச் சேர்ந்த எச்.கே.டொன் சந்திரசோம என்பவரே மனுவைத் தாக்கல் செய்துள்ளார்.இலங்கைக்குள் தனிநாடு ஒன்றை அமைப்பதனை இலக்காக கொண்டு தனிப்பட்ட நபர்களோ அல்லது அரசியல் கட்சிகளோ செயற்படக் கூடாது என அரசியல் சாசனத்தில் வலியுறுத்தப்பட்டுள்ளதாக தெரிவிக்கப்பட்டுள்ளது.

இலங்கைத் தமிழரசுக் கட்சியின் பொதுச் செயலாளர் மாவை சேனாதிராஜா, தேர்தல் ஆணையாளர் மஹிந்த தேசப்பிரிய மற்றும் சட்ட மா அதிபா பாலித பெர்னாண்டோ ஆகியோர் மனுவின் பிரதிவாதிகளாக குறிப்பிடப்பட்;டுள்ளனர்.

இலங்கைத் தமிழரசுக் கட்சியின் கட்சி யாப்பில் தனிநாட்டு கோரிக்கை பற்றிய விடயங்கள் உள்ளடக்கப்பட்டுள்ளதாக மனுதாரர் சுட்டிக்காட்டியுள்ளார்.எனவே இந்தக் கட்சிக்கு எதிராக நடவடிக்கை எடுக்கப்பட வேண்டுமென மனுதாரர் உச்ச நீதிமன்றில் கோரிக்கை விடுத்துள்ளார்.

http://www.jvpnews.com/srilanka/64871.html

ஐ.நா இலங்கையில் தோற்று விட்டது பான் கீ மூன் புலம்பல்…

இலங்கை விவகாரத்தில் ஐக்கிய நாடுகள் அமைப்பு தோல்வி கண்டதனை ஐக்கிய நாடுகள் அமைப்பின் பொதுச் செயலாளர் பான் கீ மூன் மீண்டும் ஒப்புக்கொண்டுள்ளார். இறுதிக் கட்ட யுத்தத்தின் போது ஆயிரக் கணக்கானவர்கள் உயிரிழந்ததனை தடுத்து நிறுத்த ஐக்கிய நாடுகள் அமைப்பு உரிய நடவடிக்கை எடுக்கவில்லை என அவர் சுட்டிக்காட்டியுள்ளார்.

ரூவான்டா இனச் சுத்திகரிப்பு இடம்பெற்ற 20 ஆண்டுகள் பூர்த்தியாவதனை முன்னிட்டு வெளியிட்ட அறிக்கையில் அவர் இந்த விடயத்தை தெரிவித்துள்ளார்.2009ம் ஆண்டு இலங்கையில் யுத்தம் நிறைவடைந்த தருணத்தில் ஆயிரக் கணக்கான உயிரிழப்புக்கள் ஏற்பட்டதாகவும், அதனை தடுக்க ஐக்கிய நாடுகள் அமைப்பு உரிய பொறிமுறைமையை உருவாக்கவில்லை எனவும் அவர் குறிப்பிட்டுள்ளார்.

அரசியல் பொருளாதார காரணிகளினால் உறுப்பு நாடுகளினால் முரண்பாடு இடம்பெறும் நாடுகளின் விவகாரங்களில் முழு அளவில் பங்களிப்பினை செலுத்த முடிவதில்லை என அவர் சுட்டிக்காட்டியுள்ளார்.எனினும், மனிதப் பேரவலங்கள் இடம்பெறும் போது அதனை தடுத்து நிறுத்த சிறந்த பொறிமுறைமையை ஒன்றை அமைப்பது உலகின் அனைத்து நாடுகளினதும் தார்மீக பொறுப்பாகும் என அவர் குறிப்பிட்டுள்ளார்.

உள்நாட்டு மக்களை உரிய முறையில் பாதுகாக்கத் தவறும் போது சர்வதேச சமூகம் அந்த விடயங்களில் தலையீடு செய்ய நேரிடுவதாகக் குறிப்பிட்டுள்ளார்.

http://www.jvpnews.com/srilanka/64868.html