புலிகள் காலத்து தென்னைகள் “2000″ பூநகரியில் நாசம்!

புலிகளின் தலைவர் எனப் பட்ட கோபிக்கு ஜெயக்குமாரி அடைக்கலம் கொழும்பு ஊடகம்

பாதுகாப்புப் படையினரால் சுட்டுக்கொல்லப்பட்ட கோபி என்பவருக்கு ஜெயக்குமாரி தனது வீட்டில் அடைக்கலம் வழங்கியதாக குற்றம் சுமத்தப்பட்டுள்ளது. அது மட்டும் அல்லாமல் பாலேந்திரன் ஜெயக்குமாரி, பிரிட்டன் பிரதமர் டேவிட் கமரூன் இலங்கைக்கு பயணம் செய்திருந்த போது, போலிக் குற்றச்சாட்டுக்களை சுமத்தியவர் என கொழும்பு ஊடகம் குற்றச்சாட்டுக்களை சுமத்தியுள்ளது.

கடந்த ஆண்டு நவம்பர் மாதம் நடைபெற்ற பொதுநலவாய நாடுகள் தலைவர்கள் மாநாட்டில் பிரிட்டன் பிரதமர் டேவிட் கமருன் பங்கேற்ற போது வடக்கிற்கு பணயம் செய்திருந்தார். இதன் போது, ஜெயகுமாரி கமருனிடம் முறைப்பாடு செய்துள்ளமை விசாரணைகளின் மூலம் தெரியவந்துள்ளதாகவும், இராணுவத்தினர் இளைஞர்களை கடத்துவதாகத் தெரிவித்து ஜெயகுமாரி, பிரிட்டன் பிரதமரிடம் மகஜர் ஒன்றை சமர்ப்பித்ததாகவும் அந்த ஊடகம் குற்றச்சாட்டுக்களை தொடராக முன்வைத்துள்ளது.

இதன் மூலம் ஜெயக்குமாரியை தொடர்ச்சியாக தடுத்து வைப்பதன் மூலம் சர்வதேச விசாரணையின் போது உள்நாட்டில் சாட்சி அளிக்க முன்வருவோருக்கான எச்சரிக்கையை பாதுகாப்பு தரப்பு ஊடக செய்திகள் மூலம் வெளிப்படுத்தி உள்ளதாக தெரிவிக்கப்படுகிறது.

http://www.jvpnews.com/srilanka/65736.html

புலிகள் காலத்து தென்னைகள் “2000″ பூநகரியில் நாசம்

கடந்த 14 ஆம் திகதி புதுவருட தினத்தன்று இப்பகுதியில் நிலைகொண்டுள்ள படையினர் புல்லுக்கு தீவைத்துள்ளனர். இந்தத் தீ வேகமாக தெங்குத் தோட்டத்துக்கும் பரவியது. இதனால் அங்கிருந்த 2000 ஆயிரம் பயன்தரு தென்னைகள் எரிந்து அழிந்தன. பூநகரி பகுதியில் விடுதலைப் புலிகள் இந்தத் தெங்குத் தோட்டம் உட்பட பல தோட்டங்களை உருவாக்கியிருந்தனர்.

பூநகரி – சின்னப்பல்லவராயன்கட்டு பகுதியில் தமிழீழ விடுதலைப் புலிகள் இயக்கத்தால் உருவாக்கப்பட்டு தற்போது படையினரின் ஆக்கிரமிப்பில் உள்ள தென்னந் தோட்டத்தில் இருந்த சுமார் 2000 தென்னைகள் படையினர் புல்லுக்கு வைத்த நெருப்பால் எரிந்து நாசமாகின.

ஏராளமான பயன்தரு மரங்களை நட்டிருந்தனர். புலிகளின் பெருந்தோட்ட பிரிவினரால் இவை பராமரிக்கப்பட்டன. 2009 ஆம் ஆண்டு ஆயுதப் போர் முடிவுக்கு வந்த நிலையில் புலிகளால் பராமரிக்கப்பட்ட இவை படையினரால் ஆக்கிரமிக்கப்பட்டு அவர்களின் கட்டுப்பாட்டில் உள்ளன. படையினரின் அசட்டையால் பயன்தரு தென்னைகள் அழிக்கப்பட்டுள்ளமை குறித்து பிரதேச மக்கள் கவலை வெளியிட்டுள்ளனர். 

http://www.jvpnews.com/srilanka/65725.html