காரைநகர் ஆலய மூல விக்கிரகங்கள் திருட்டு!

முரளீக்கு உதவும் தர்ம ஸ்தாபன நிதி கரியாவது அம்பலம்

லண்டனில் உள்ள கட்விக் விமானநிலையத்தில் இருந்து, இந்த விமானம் கொழும்பு நோக்கிப் புறப்பட சுமார் 11 மணி நேரத்துக்கு முன்னதாக இப் பிரயாணத்தை குறித்த அந்த 5 எம்.பீகளும் கான்சல் செய்துவிட்டார்கள். இது ஏன் நடந்தது ? எவ்வாறு நடந்தது என்பது பலருக்கு தெரியாது. பாராளுமன்றில் லேபர் கட்சி(தொழில் கட்சி) மூத்த எம்.பி ஒருவர் இதனை கடுமையாக எதிர்த்துள்ளார். பிறர் பணத்தில் எவ்வாறு எம்.பீக்கள் இலங்கை செல்லலாம் என்று லேபர் கட்சி எம்.பி கேள்வி எழுப்ப, அதேவேளை சனல் 4 தொலைக்காட்சி இதனை செய்தியாக வெளியிட்டது. இதனையடுத்து நிலை மோசமாகலாம் என்று எண்ணிய அந்த 5 எம்.பீக்களும் ஜகா வாங்கிவிட்டார்கள் என்று மேலும் அறியப்படுகிறது

கடந்த வியாழக்கிழமை(10.04.2014) அன்று லண்டன் கட்விக் விமானநிலையத்தில் இருந்து, பிரித்தானிய எம்.பீக்கள் 5 பேர் கொழும்பு செல்ல ஏற்பாடாகி இருந்தது. இவர்களின் பெரும்பாலானோர் ஆழும் கன்சர்வேட்டிவ் கட்சியை சார்ந்தவர்கள். இவர்கள் கொழும்பு செல்ல பிசினஸ் கிளாஸ் டிக்கெட்(அதி சொகுசு) கொழும்பில் 5 நட்சத்திர விடுதியில் தங்க இடம். மேலும் இவர்களுக்கான சாப்பாட்டுச் செலவு மற்றும் போக்குவரத்து என்று அனைத்து செலவுகளை தாமே பொறுப்பு ஏற்பதாக இலங்கையில் உள்ள தர்ம ஸ்தாபனம் ஒன்று தெரிவித்திருந்தது. இந்த தர்ம ஸ்தாபனத்திற்கு நிதி வழங்குவதும் மற்றும் அதனை கவனித்து வரும் மேற்பார்வையாளர் முத்தையா முரளீதரன் ஆவார் என்ற விடையம் தற்போது வெளியாகியுள்ளது. இவரது மேற்பார்வையில் இயங்கும் குறித்த தர்ம ஸ்தாபனமே பிரித்தானிய எம்.பீகளை தமது செலவில் இலங்கைக்கு அழைத்து அவர்களை வளைத்துப் போட முற்பட்டுள்ளது.

முரளி மூலமாக இலங்கைத் தமிழருக்கு உதவி என முழக்கமிடும் சில தனவந்தர்கள் முரளீக்கு உதவும் பணம் கரியாவது பாரிய அவலம் என மக்கள் முனுமுனுக்கின்றனர்

http://www.jvpnews.com/srilanka/65680.html

காரைநகர் ஆலய மூல விக்கிரகங்கள் திருட்டு

நேற்று முன்தினம் இரவு விக்கிரகங்கள் வைக்கப்பட்டு இருந்த அறையை உடைத்து உட்புகுந்த திருடர்கள் ஆலயத்தின மூல விக்கிரகம் உட்பட ஏனைய விக்கிரகங்கங்களையும் திருடிச் சென்றுள்ளார்கள்.

காரைநகர் துறைமுகப் பிள்ளையார் ஆலய மூல விக்கிரகம் உட்பட அதனுடன் இருந்த மூன்றுக்கும் மேற்பட்ட விக்கிரகங்கள் களவு போயுள்ளதாக ஊர்காவற்றுறை பொலிஸ் நிலையத்தில் ஆலய தர்மகார்த்தா சபையினால் முறைப்பாடு செய்யப்பட்டுள்ளது.

பாலஸ்தாபனம் செய்வதற்க்காக மூல விக்கிரகம் உட்பட ஏனைய விக்கிரகங்களும் ஆலயத்தின் உட்புறத்தில் தனியான ஒரு இடத்தில் வைக்கப்பட்டு இருந்தது.

ஊர்காவற்றுறை பொலிசார் குறிப்பிட்ட திருட்டு சம்பவம் சம்பந்தமாக விசாரணைகளை மேற்கொண்டு வருகின்றனர்.

http://www.jvpnews.com/srilanka/65685.html