பிரித்தானிய நாடாளுமன்ற உறுப்பினர்கள் மேற்கொள்ளவிருந்த இலங்கை பயணம் 11வது மணித்தியாலத்தில் ரத்து!

மதன மோதகத்திற்கு அடிமையாகியுள்ள பாடசாலை மாணவர்கள்

[ வெள்ளிக்கிழமை, 11 ஏப்ரல் 2014, 01:14.02 PM GMT ]

பாடசாலை மாணவர்கள் மதன மோதகம் என்ற போதை தரும் உருண்டைகளை பயன்படுத்துவது அதிகரித்துள்ளதாக அபாயகரமான மருந்துகளை கட்டுப்படுத்தும் சபை தெரிவித்துள்ளது.

இவ்வாறு இந்த போதை தரும் உருண்டை பயன்படுத்தும் 94 வீதமான பாடசாலை மாணவர்கள் 16 வயதிற்கும் 20 வயதிக்கும் இடைப்பட்டவர்கள் என ஆய்வொன்றில் தெரியவந்துள்ளது.

12 வீதமான பாடசாலை மாணவர்கள் தினமும் இந்த போதையை பயன்படுத்தி வருகின்றனர்.

இவர்களில் 92 வீதமானவர்கள் போதை மற்றும் மகிழ்ச்சிக்காக மதன மோதகத்தை பயன்படுத்தி வருவதாக அந்த ஆய்வுத் தகவல் தெரிவித்துள்ளது.

மதன மோதகம் என்பது கஞ்சா போதைப் பொருளை சேர்த்து அரைத்து தயாரிக்கப்படும் இனிப்பான ஒரு வகை போதைப் பொருளாகும்.

http://www.tamilwin.com/show-RUmsyESVLXmr3.html

இலங்கையில் சமூகப் பிரச்சினைகள் அதிகரிப்பு

[ வெள்ளிக்கிழமை, 11 ஏப்ரல் 2014, 12:10.02 PM GMT ]

இலங்கை மக்களில் 60 வீதமானவர்கள் மனநோயாளிகள் என மேல் மாகாண சமூக நலத்துறை பணிப்பாளர் அனுஷா கோகுல தெரிவித்துள்ளார்.

சமூக சேவை அதிகாரிகளுக்கு விளக்கமளிப்பதற்காக கொழும்பு அரசாங்க அதிபர் அலுவலகத்தில் நடைபெற்ற கூட்டம் ஒன்றில் அவர் இந்த தகவலை வெளியிட்டுள்ளார்.

நாட்டில் இன்று சமூக பிரச்சினைகள் அதிகரித்துள்ளன. விவாகாரத்து பெறும் எண்ணிக்கை அதிகரித்துள்ளது.

நீரிழிவு நோய் காரணமாக கால்கள் துண்டிக்கப்படும் நபர்களின் எண்ணிக்கை உயர்ந்துள்ளது. வீதி விபத்துக்களால் தினமும் பலர் அங்கவீனமடைக்கின்றனர்.

இலங்கையில் வாழும் 10 பேரில் ஆறு பேர் மனநோயாளிகள். சிறுவர் பாலியல் துஷ்பிரயோகங்கள், சிறு வயது பெண்கள் கர்ப்பம் அடைவது, விபச்சார தொழில், புத்தி சுவாதீனம் இல்லாத பிள்ளைகள் என்பன அதிகரித்து வருகின்றது.

இன்னும் 5 வருடங்களில் நாம் எண்ணிப்பார்க்காத அளவில் சமூகப் பிரச்சினைகள் அதிகரிக்கும். இதனால் சமூக சேவை துறையின் பணிகள் விரிவுப்படுத்தப்பட வேண்டும் என அனுஷா கோகுல மேலும் கூறியுள்ளார்.

http://www.tamilwin.com/show-RUmsyESVLXmr2.html

பிரித்தானிய நாடாளுமன்ற உறுப்பினர்கள் மேற்கொள்ளவிருந்த இலங்கை பயணம் 11வது மணித்தியாலத்தில் ரத்து!

[ வெள்ளிக்கிழமை, 11 ஏப்ரல் 2014, 04:17.46 PM GMT ]

பிரித்தானியாவின் ஐந்து நாடாளுமன்ற உறுப்பினர்களும், அவர்களின் மனைவியரும் இலங்கைக்கு மேற்கொள்ளவிருந்த பயணம் 11வது மணித்தியாலத்தில் ரத்துச்செய்யப்பட்டது. சனல் 4 இந்த செய்தியை வெளியிட்டுள்ளது.

பிரித்தானியாவின் அனைத்து கட்சிகளிடம் இருந்து வந்த எதிர்ப்பை அடுத்தே இந்த பயணம் ரத்துச்செய்யப்பட்டது.

ஐக்கிய நாடுகள் மனித உரிமைகள் பேரவை, இலங்கை மீது போர்க்குற்ற விசாரணைகளுக்கு அழைப்பு விடுத்து இரண்டு வாரங்களுக்குள் இந்த பயணம் மேற்கொள்ளப்படவிருந்தமையால் இது சர்ச்சைக்குரிய பயணமாக கருதப்பட்டது.

அதுவும் ஐக்கிய நாடுகளின் சர்வதேச விசாரணைகளுக்கு தாம் ஒத்துழைக்கப் போவதில்லை என்று இலங்கை அறிவித்திருந்தமையும் இங்கு குறிப்பிடத்தக்கது.

குறித்த ஐந்து நாடாளுமன்ற உறுப்பினர்களின் பயணத்துக்குமான முழுச்செலவையும் தமிழரும், இலங்கை அரசாங்கத்தின் ஆதரவாளருமாக செயற்படும் முன்னாள் கிரிக்கெட் வீரர் முத்தையா முரளிதரனின் தர்ம அமைப்பு பொறுப்பேற்றிருந்தது என்று சனல் 4 தெரிவித்துள்ளது.

இந்த பயணத்தில் பிரித்தானியாவின் கொன்சவேட்டிவ் கட்சி நாடாளுமன்ற உறுப்பினர்களே பங்கேற்கவிருந்தனர்.

அவர்கள் இலங்கையில் அரச தரப்பினரையும் ஜனாதிபதி மஹிந்த ராஜபக்சவையும் சந்திக்க ஏற்பாடாகியிருந்தது.

எனினும் இந்த பயணம் அரசியல் அடிப்படையில் ஏற்பாடாகவில்லை என்று முத்தையா முரளிதரனின் தர்ம அமைப்பு தெரிவித்துள்ளது.

இந்த பயணம் இலங்கையின் அனைத்து நாடாளுமன்றக் குழுவுக்கு அறிவிக்கப்படாமலேயே ஏற்பாடாகியிருந்தது.

இந்த நாடாளுமன்ற குழுவினர், நேற்று வியாழக்கிழமையன்று பிற்பகல் 2.25க்கு இலங்கைக்கு புறப்படவிருந்தனர்.

தொழில்கட்சியின் சார்பில் எவரும் இந்த குழுவில் இடம்பெறவில்லை என்று தொழில்கட்சி பேச்சாளர் தெரிவித்துள்ளார்.

எனினும் சனல் 4வுக்கு கிடைத்த விமான டிக்கட்டுக்களின் பிரதிகளின்படி இந்த பயணத்தில் இரண்டு தொழில்க்கட்சி உறுப்பினர்களும் உள்ளடங்கவிருந்தனர்.

2012 ம் ஆண்டு முதல் கொன்சவேட்டிவ் கட்சியின் 10 நாடாளுமன்ற உறுப்பினர்கள் இலங்கை அரசாங்கத்தின் செலவில் இலங்கைக்கு சென்று திரும்பியுள்ளனர்.

சிறிலங்கா அரசின் மற்றுமொரு இராஜதந்திர நகர்வு பிரித்தானிய தமிழர் பேரவையால் முறியடிப்பு

சிறிலங்கா அரசு புலம்பெயர் நாடுகளில் உள்ள தமிழர்களுக்கு ஆதரவான அமைப்புக்களையும், ஆதரவாளர்களையும் தடைசெய்து விட்டு சர்வதேசத்தின் கவனத்தினை திருப்ப எடுத்த முயற்சி முறியடிக்கப்பட்டுள்ளது.

வடக்கு கிழக்கு பிரதேசங்களில் எந்தவித மனித உரிமை மீறல்களும் இடம்பெறவில்லை, தமிழ் மக்கள் இயல்பு வாழ்க்கைக்கு திரும்பிவிட்டனர் என்பதை கட்டுவதற்கு சிறிலங்கா அரசு எடுத்த முயற்சி பிரித்தானிய தமிழர் பேரவையால் முறியடிக்கப்பட்டுள்ளது.

பிரித்தானியாவில் உள்ள மூன்று அரசியல் கட்சிகளின் பாராளுமன்ற உறுப்பினர்கள் அடங்கிய குழு ஒன்று சிறிலங்கா செல்ல இருந்தது. இக்கட்சிகளின் தலைமைகளுடன் தொடர்ச்சியான அழுத்தத்தின் மூலம் இடை நிறுத்தப்பட்டுள்ளது.

இது தொடர்பாக பிரித்தானிய தமிழர் பேரவையிடம் கேட்டபோது, சிறிலங்கா அரசு சர்வதேச விசாரணையில் இருந்து விலகுவதற்கு தமக்கு ஆதரவான பாராளுமன்ற உறுப்பினர்களையும் கொள்கை வகுப்பாளர்களையும், மற்றும் இராஜதந்திரிகளையும் சிறிலங்காவுக்கு அழைத்து அங்கு எந்தவித பிரச்சினையும் இல்லை என கூறவைப்பதற்கு முயற்சிக்கின்றனர். இதனை புலம்பெயர் மக்கள் விழிப்பாக இருந்து தடுத்து நிறுத்தவேண்டும்.

தனிப்பட்ட மற்றும் வர்த்தக நலன்களுக்கா சிறிலங்க அரசு தமிழ் வர்த்தகர்களை முகவர்களாக பயன்படுத்த முற்படுகின்றது இதில் மக்கள் விழிப்பாக இருக்கவும் என குறிப்பிட்டது.

http://www.tamilwin.com/show-RUmsyE