தமிழர்களின் பிரச்சினை தீர்க்கப்படும் போதே இலங்கையில் பொதுநலவாய மாநாட்டை நடத்த முடியும்!- யாழ். ஆயர் !

பொதுநலவாய நாடுகளின் தலைவர்கள் அமர்வு இலங்கையில் இடம்பெறவேண்டுமானால், தமிழர்களின் பிரச்சினைக்கு தீர்வுக்காணப்பட வேண்டும் என்று யாழ்ப்பாண ஆயர் கோரிக்கை விடுத்துள்ளார்.

அது நடக்கவில்லையென்றால் பொதுநலவாய நாடுகளின் அமர்வை நடத்தக்கூடாது என்று ஆயர் கோரியுள்ளார்.

கனடாவின் பொதுநலவாய நாடுகளின் விசேட பிரதிநிதியான ஹக் சேகல், ஆயரை சந்தித்த போதே இந்தக்கோரிக்கை விடுக்கப்பட்டுள்ளது.

இந்த சந்திப்பின்போது, யாழ்ப்பாணத்தின் உண்மை நிலவரங்கள் குறித்து ஆயர் முழுமையான விபரங்களை வெளியிட்டார்.

நடப்பு இலங்கை அரசாங்கம், மறைமுகமாக தமிழர்களை புறக்கணிக்கும் நடவடிக்கைகளை மேற்கொண்டு வருவதாகவும் ஆயர் சுட்டிக்காட்டியுள்ளார்.