யாழ். கொழும்பு தனியார் பஸ் உரிமையாளர்கள் எதிர்நோக்கும் பிரச்சினைக்கு தீர்வில்லை! பேச்சுவார்த்தையில் குழப்பம்!
[ வெள்ளிக்கிழமை, 16 ஓகஸ்ட் 2013, 07:58.20 AM GMT ]
இந்தப் பேச்சுவார்த்தையில் யாழ் கொழும்பு பஸ்களுக்கான அனுமதிப்பத்திர கட்டணமான 11 இலட்சம் ரூபாவை குறைக்க வேண்டுமெனவும், அனுமதிப்பத்திரம் வழங்கப்படாதவர்களுக்கு தற்காலிக அனுமதிப்பத்திரம் வழங்கப்பட வேண்டுமெனவும் பஸ்களில் கப்பம் அறவிடப்படுவது நிறுத்தப்பட வேண்டுமெனவும் பஸ் உரிமையாளர்கள் அங்கு வலியுறுத்தினர்.
யாழ்.வடமராட்சியில் இராணுவத்தின் கட்டுப்பாட்டில் இருந்து அண்மையில் விடுவிக்கப்பட்ட பல்லப்பை பகுதி கிணறொன்றிலிருந்து 17 மனித எச்சங்கள் மீட்கப்பட்டதாக வெளியான செய்திகளில் எவ்வித உண்மையும் இல்லை என்று இராணுவ பேச்சாளர் பிரிகேடியர் ருவான் வணிகசூரிய தெரிவித்தார்.
இவற்றுக்கு முறையான பதில் எதுவும் கிடைக்காத காரணத்தினால் பேச்சுவார்த்தையை இடையிலேயே கைவிட்டு பஸ் உரிமையாளர்கள் அங்கிருந்து வெளியேறியதாக ஐக்கிய தேசியக் கட்சி வடமாகாண சபை முதலமைச்சர் வேட்பாளரும் யாழ். கொழும்பு பஸ் உரிமையாளருமான தி.துவாரகேஸ்வரன் தெரிவித்தார்.
இது தொடர்பாக துவாரகேஸ்வரன் மேலும் தெரிவிக்கையில்;
யாழ் கொழும்பு தனியார் பஸ் சேவை எதிர்நோக்கும் பிரச்சினைகள் தொடர்பாக போக்குவரத்து மார்க்க அனுமதிப்பத்திரத்துடன் சேவையில் ஈடுபடும் பஸ் உரிமையாளர்களுக்கும், அனுமதிப்பத்திரமின்றி போக்குவரத்தில் ஈடுபடும் பஸ் உரிமையாளர்களுக்கும் போக்குவரத்து ஆணைக்குழு அதிகாரிகளுக்கும் போக்குவரத்து பொலிஸ் பிரிவினருக்குமிடையே நேற்று வியாழக்கிழமை தேசிய போக்குவரத்து ஆணைக்குழுவில் பேச்சுவார்த்தையொன்று நடைபெற்றது.
இதில் போக்குவரத்து ஆணைக்குழு தலைவர், பணிப்பாளர் உட்பட ஆணைக்குழு அதிகாரிகளும், பொலிஸ் போக்குவரத்து பிரிவு சிரேஷ்ட பொலிஸ் அத்தியட்சரும் மற்றும் பல பஸ் உரிமையாளர்களும் கலந்து கொண்டனர்.
இந்த பேச்சுவார்த்தையின் போது, நாம் எதிர் நோக்கும் பிரச்சினைகளை முன்வைத்து அவற்றுக்கு தீர்வு காணுமாறு வலியுறுத்தினோம். ஆனால் அவர்கள் அதற்கு முறையான பதில் எதனையும் வழங்கவில்லை.
குறிப்பாக யாழ். கொழும்பு பஸ்களுக்கு மாத்திரம் 11 இலட்சம் ரூபா மார்க்க அனுமதிப்பத்திரத்திற்காக அறவிடப்படுகிறது. ஆனால், மற்றைய பகுதி பஸ்களுக்கு 3000 ரூபாவே அறவிடப்படுகின்றது. அத்தோடு இ.போ.ச. பஸ்களுக்கு அதுவும் கிடையாது.
இந்நிலையில் யாழ். கொழும்பு இ.போ.ச. பஸ்கள் பயணியொருவரிடம் 900 ரூபாவை கட்டணமாக அறவிடுகிறது. ஆனால், எங்களால் அந்த கட்டணத்திற்கு ஓட முடியாது. இதனால் அந்தக் கட்டணத்திற்கு ஓட வேண்டுமென்றால் மார்க்க அனுமதிப்பத்திரத்தை குறைக்க வேண்டும்.
இதேவேளை, மார்க்க அனுமதிப்பத்திரமின்றி சேவையில் ஈடுபடும் பஸ்களுக்கு தற்காலிக அனுமதிப்பத்திரம் வழங்கப்பட வேண்டும். அத்தோடு பொலிஸார் பஸ்களில் கப்பம் அறவிடுவதை நிறுத்த வேண்டுமென அதிகாரிகளை வலியுறுத்தினோம்.
அத்தோடு இன்னும் சில மாதங்களில் யாழ்ப்பாணத்திற்கான ரயில் சேவையும் ஆரம்பித்து விடும். இந்நிலையில், அதிக கட்டணத்தினுடனான மார்க்க அனுமதிப்பத்திரத்தை பெற்று நாம் சேவையில் ஈடுபடுவது என்பது முடியாத காரியம்.
ஆகவே, மார்க்க அனுமதிப்பத்திர கட்டணத்தை குறைக்க வேண்டும். இல்லையேல் சில மாதங்களில் பஸ் சேவையிலிருந்து நாம் விலகிக் கொள்ள நேரிடும் என வலியுறுத்தினோம்.
இந்நிலையில், எமது கோரிக்கைகளுக்கு அதிகாரிகளிடமிருந்து முறையான பதில்கள் கிடைக்கவில்லை. இதனால் நாம் இடையிலேயே பேச்சுவார்த்தையிலிருந்து எழுந்து வெளியேறி விட்டேம் என்றார்.
வடமராட்சிப் பகுதியில் மனித எச்சங்கள் மீட்கப்பட்டதாக வெளியான செய்தி பொய் என்கிறார் இராணுவப் பேச்சாளர்
[ வெள்ளிக்கிழமை, 16 ஓகஸ்ட் 2013, 08:56.02 AM GMT ]
பல்லப்பை பிரதேசத்தில் சுத்திகரிப்பு பணியின் போது 17 மனித எச்சங்கள் மீட்கப்பட்டதாக இணையத்தளங்களில் வெளியான செய்தி தொடர்பாக கருத்து தெரிவிக்கையிலேயே அவர் இவ்வாறு தெரிவித்தார்.
இது தொடர்பில் அவர் மேலும் தெரிவித்ததாவது,
சர்வதேச இணையத்தளங்கள் ஊடாக இந்நாட்களில் இலங்கை தொடர்பான மிகவும் தவறான புனையப்பட்ட பல கட்டுக்கதைகள் பரப்பப்பட்டு வருகின்றன. இவை இலங்கையின் பெயருக்கு அபகீர்த்தியை ஏற்படுத்த முன்னெடுக்கப்படும் செயற்பாடாகும்.
பல்லப்பை என்ற பகுதியில் அவ்வாறான எந்தவொரு சம்பவமும் இராணுவத்தினருக்கோ பொலிஸாருக்கோ இதுவரை பதிவாகவில்லை. பல்லப்பை பிரதேச மக்களுக்குக் கூட அப்படியொரு சம்பவம் இருப்பது தெரியாது.
இது தொடர்பில் நாமும் எமது அதிகாரிகளை ஸ்தலத்துக்கு அனுப்பி ஆராய்ந்தோம். எனினும் அங்கு அப்படி எதுவும் பதிவாகவில்லை என தெரிவித்தார்.
யாழ்.வடமராட்சி, பல்லப்பை பகுதி கிணறொன்றிலிருந்து 17 மனித எச்சங்கள் அங்கு சுத்திகரிப்பு பணியில் ஈடுபட்ட பொதுமக்களினால் மீட்கப்பட்டதாகவும், இந்நிலையில் அங்கு சுத்திகரிப்பு பணிகளை தொடர வேண்டாம் என இராணுவம் பொதுமக்களுக்கு உத்தரவிட்டிருந்ததாகவும் செய்தி வெளியாகியிருந்தது.
தொடர்புடைய செய்தி
Geen opmerkingen:
Een reactie posten